మనలోన ప్రతివారు - తనగురించి తానే Manalona || Worship by church youth

మనలోన ప్రతివారు - తనగురించి తానే
దేవునికి లెక్క అప్పగించవలెను
ఘన దేవునికి లెక్క అప్పగించవలెను //మనలోన//
మనుష్యులు పలుకు వ్యర్ధమైన ప్రతి మాటకు
విమర్శ దినమున లెక్క చెప్పవలయును
ఈ నాటి నుండి నీనోటిమాట
సరిచేసికొని సిద్ధపడు సోదరా - 2. //మనలోన//
దేహముతో చేసిన - ప్రతి కార్యము గూర్చి
అవి మంచివైనను - చెడ్డవైనను
ప్రతివాడును తన ఫలమును పొందుటకు
నిలువవలె క్రీస్తు న్యాయపీఠం ఎదుట - 2. //మనలోన//
నీ ధన ధాన్యములు నీకున్న సమయమును
ఎలాగు నీవు వ్యయపరచుచుంటివో
ప్రభు భాగము నీవు చెల్లించుచున్నావా
ప్రతి దానికి ప్రభు నిన్ను లెక్క అడుగును. //మనలోన//
మన యజమానుడు - త్వరలో రానుండే
రాజాధిరాజుగా - న్యాయాధిపతిగా
మన ప్రతి పనిని - పరీక్షించును
నమ్మకస్థులైన వారు - ఏలుదురు ప్రభువుతో - 2. //మనలోన//